Juornal News // Cilacap , Setu Legi 24/2/2024 nang dusun beber Tritih lor Kecamatan Jeruklegi Kabupaten Cilacap wartawan Juornal News wis diundang medangan nang kaki Slamet di disebute kaki RT .
Slamet sing menurut umure jane ya urung patia Sepuh esih 56 tahun , namung masyarakat kono nyebute kaki Slamet utawane Rt ne .
Pancen disawang – sawang sing jenenge kaki Slamet mau wis kewes dadi sesepuh amergo cara mature wis kaya popo romo temenan .
Meja ukuran 60 x 2 meter di dipasangna karo bangku dawa utawane lisban kiwe tengene ketambahah ana lincak wis gambarane asli ndesa temenan .
Seduwure meja mau kebek panganan sawerna – werna .
kurang lewihe ana pitung werna kuwi antarane :
– Beton nangka
– Muntul
– Budin
– Gedang
– Kacang
– Jagung
– Oyek
inumane ora lian kejaba Teh , kopi lan banyu bening diwadai kendi .
Kaki Slamet nyecuprus ngalor ngidul ora keri udun rokok tapel kuning sing wis dadi klangenane kawit kuna .
Sentar slentir kebule sing metu sekang pipa gading gajah kuwe karo nyumaga aken wartawan kon pada nyambi medang .
Salah sijine wartawan sing jenenge galih mau sedawan dawan isine kur binggung tok ndelengna panganan seduwure meja isine panganan ndesa sing bisa maregna weteng temenan .
semono uga galih arep nginum ya anane kur teh tubruk ,kopi sing jan kentel banget lan banyu bening sing diwadahi kendi mau .
Salah sijine obrolane kaki Slamet mau jere melu prihatin bab larange beras , namung kaki Slamet mau juga melu bebungah ananing bantuan beras soko pemerintah ora ketang kur 10 kg lan urung rata kabeh .
Kaping pungkasan Kaki Slamet juga matur aja pada sambat bae kahanan siki .
Ayoh pada nyambut gawe kanti rajin , jujur ugo ikhlas insya Alloh Gusti Alloh moten sare .
Semono ugo kagem poro pemimpin kali Slamet melingna aja pada glawikan nindakna amanah Rakyat .( TIM )
