Juornal News // Cilacap 6/04/2024 , Pilihan Bupati Kabupaten Cilacap esih kurang enem Wulan maning .
Nangging krasak krusuk wis mulai anget nang endi ora .
Polling nang jejaring sosial HP kuwe wis mulai muncul .
Pilihan masyarakat wis mulai keton jagone dewek – dewek .
Sederet Tokoh masyarakat utawane Pejabat wis keton jenenge antara lain .
– Awaludin murri sing siki lagi menjabat Pj.Bupati .
– Samsul mantan wakil Bupati .
– Farid Mantan Sekda
– Taufik Nur Hidayat Ketua DPRD .
– Teti Anggota DPR.RI
– Lan lia – liane .
Kabeh sing mau kesebut nang nduwur mau kuwe pacen ya wong – wong Top sing wis kondang jenenge nang wilayah Cilacap sing jere wong kuwe sing diarani Putra daerah terbaik .
Terus mestine sing jenenge arep maju dadi Bupati / Wakil mestine ya duwe kendaraan politik .
Ya nek kuwe wis mesti , hasil Pileg wingi wis genah Partai – partai mau wis entuk kursi nang parlemen DPRD kabupaten Cilacap mestipun tahun kiye ana sing mlorod ana uga sing tambah .
Partai PDI . Perjuangan tetep paling akeh jumlah kursine 10 disusul PKB , Gerindra , Golkar lan liane .
Wektu enem Wulan mlaku kuwe jane wektu sing cepet banget kanggo persiapan Pilkada .
Khusus nang Wulun Puasa Ramadhan tahun kiye ya wis keton pada pating sliwer menghadiri Traweh nganah ngeneh .
Kabeh wong ya wis ngerti tujuane Traweh selain Ibadah ya kanggo ngiras ngirus mbok sinawane bisa ngo ngolet biting .
Ora ketang Baloho ucapan Idul Fitri kuwe wis mlarah – mlarah nang endi papan dipasangi .
Sementara terkait pajak papan reklame sing wis di gembar gembor na ngo dongkrak pendapatan asli Daerah , embuh kepikir embuh ora anane Baliho- baliho mau .
Kaki Dawir wong dusun beber Tritih Lor Jeruklegi awan mau ditakoni nang wartawan seputar Pilihan Bupati .
Nyong ora mikir sapa bae sing dadi Bupati ngonoh wong nyong dewek ya ora wawuh .
Kur jalukanku tulung lah wong ndesa mandan di pikirna terutapa dalan – dalan sing ruag karo nyong njaluk tulung pisan pak wartawan , kuwe ngo masyarakat cilik kaya panginyongan sing wis umure 60 tahun munggah mandan di pikirna lah kesuwun ya pak wartawan . ( SW )
