Cilacap // Juornal News , Sapa sing nyana *Bang Buyung* utawa sing duwe jeneng lengkap *Mulyadi Tanjung*, jebule arep nyalon dadi Kepala Desa (Kades) Karangpucung, Kecamatan Karangpucung, Kabupaten Cilacap.
Crita kiyé kawitan pas dina Minggu Kliwon (14/6/2026), wektu wartawan Journal News lagi madang awan nang Rumah Makan Padang. Ndilalah, RM Padang kuwe jebule duweke Bang Buyung dewek. Sabubare madang, Bang Buyung kepara gelem ngluangna wektune nggo njagong lan ngobrol santai karo wartawan. Pas ditakoni babagan persiapan Pilkades Karangpucung sing arep digelar taun 2027 ngesuk, jawaban pertamane Bang Buyung jebule nabet banget nang ati.
”Bismillah, *Nrimo ing pandum*,” omongé Bang Buyung semringah.
Ukara “Nrimo ing pandum” kuwe nduweni makna sing jero, yaiku pasrah, ikhlas, lan gelem nampa apa bae sing wis dadi *garise takdir sekang Gusti Allah*.
Senajan wis niat tulus arep ngabdi marang masyarakat, Bang Buyung tetep seleh lan emoh ngaya.
Sadurunge rampung jagongan, Bang Buyung uga ora lali *nyuwun donga pangestu* marang kanca-kanca media lan kabeh warga. Deweke njaluk tulung didongakna muga-muga niat apike kuwe bisa kaleksanan, lan awake bisa diparingi amanah nggo mimpin Desa Karangpucung ing taun 2027 mengko. Aamiin.( SW )
Komentar